Las donadas numericas generadas pels multiples aparelhs conectats en possecion dels Europèus representa una riquesa. Es, en 2023, sosexplechada.
Thierry Breton, comissari pel mercat interior, assegurèt a la fin del mes de junh de 2023 que de sosutilizar las donadas èra « afeblir lo fòrt potential de creséncia e d'inovacion que podriá permetre ». Una de las empachas actuala en Europa es l'abséncia de quadre legal.
Une de las question que se pausa per exemple es : Qual es proprietari de las donadas generadas pels aparelhs conectats a la ret internet ?
Las incertesas legalas menan en Euròpa a una sosexplechacion d'aquestas donadas, alara que son preciosas.
Lo Data Act, o Lei sus las Donadas, que prevei de metre en plaça la Comission a per objectiu de donar un cadre legal a l'utilizacion d'aquelas donadas. Un primièr document es estat presentat en febrièr de 2022, un acòrd es estat trobat lo dimars 27 de junh de 2023 pel Conselh e lo Parlament per finalizar la lei que deurà puèi èsser votada abans son aplicacion.
Europa passèt a costat del primièr acte d'aquela batalha de las donadas que vejèt naisse de gigants coma Google o Amazon. Lo segond acte debuta, es ligat a las se disent Intelligéncias Artificialas. Pas cap d'intelligéncia aquí mas una esplechacion massissa, via d'algoritmes apropriats, de donadas. Sens donadas pas de se disent Intelligéncia Artificiala. Aquesta procèssus en cors dempuèi la debuta del sègle XXI d'explechacion de las donadas a près lo nom de dataficacion. Aquesta sarà la sorsa de tot un fum de desvolopaments tecnics, que sián industrials o managerials.
Los ciutadans europèus generan de donadas, de las mestrejar es essencial pel desvolopament futur de l'Union Europèa.