Al mes de julhet de 2023 lo Partit de la Nacion Occitana comunicava sus las accions del collectiu Gardarem l'Estivada.
Sus las accions del collectiu Gardarem l'Estivada
Lo collectiu Gardarem l’Estivada nasquèt a la debuta d’aquesta annada per tornar lançar lo festenal inter-regional occitan l’Estivada. Es l’emanacion d’occitanistas roergasses que dempuèi cinq meses batalhan al prèp de las collectivitats territorialas per que obliden pas la necessitat de sosténer, coma èra lo cas a sa creacion, un grand festenal panoccitan.
De segur, après l’escandalós sabotatge del festenal per la municipalitat de Rodés, lo Partit de la Nacion Occitana sosten tota iniciativa ciutadana que va dins lo sens d’una perennizacion de L’Estivada. Nòstre sosten passa, d’en primièr, per la publicacion de sos comunicats de premsa per tal d’informar lo public de l’avançament de sas intervencions.
Pasmens, lo Partit de la Nacion Occitana demanda als militants del collectiu Gardarem d’Estivada de téner d’a ment que lo festenal demòre plan inter-regional occitan e se limite pas a la sola Region Occitània-Pirenèus-Mediterranèa. Totas las collectivitats territorialas occitanas devon èsser sollicitadas en França, en Itàlia, mas tanben lo Conselh General d’Aran. L’Estivada deu pas tombar dans une regionalizacion restrictiva mas demorar un festenal nacional occitan. Sa fòrça se tròba dins la panoccitanitat.
Lo PNO lo 3 de julhet de 2023