Los Estats-Units, après la decision de Donald Trump a la debuta del mes de julhet de diminuïr lor ajuda a Ucraïna, an anonciat lo 14 de julhet de 2025 qu'autorizarián la venda per l'intermediari de l'OTAN de material de defensa a Kiiv. Aqueste material serà pagat per la branca europèa de l'OTAN.
Es previst de liurar de sistèmas Patriot per aparar los Ucraïneses contra los missils russes que s'abatan regularament sus las vilas del país.
Lo 17 de julhet lo comandament de l'OTAN afortissiá que las liurasons d'aqueles sistèmas Patriot èran en preparacion e que se farián lo mai rapidament possibla.
Lo 14 de julhet Donald Trump aviá tanben anonciat que donava a Vladimir Potin cinquanta jorns per arrestar la confrontacion amb Ucraïna, abans d'impausar de dreches de doana novèls al aligats de Russia.
Lo 18 de julhet, Volodymyr Zelensky après s'èsser entretengut amb lo president francés Emmanuel Macron, anoncièt que França ajudariá mai encara la defensa antiaeriana ucraïnesa. Precisèt tanben que d'autre pilòts serián formats al maniment dels Mirage, avions de l'armada francesa que ne dispausan la fòrças ucraïnesas.