Lo departament de Tarn dins lo jornal AtoutTarn comunica :
Mai/Junh de 2013 :
Jornada de formacion sul patrimòni occitan : plan mond amb plan de vam Aculhidas per Joan Gasc, Conselhièr general encargat de l’occitan e per Patrícia Briquet, directritz del Comitat Departamental del Torisme, mai de 150 personas participèron a la formacion sul patrimòni occitan tarnés lo 21 de febrièr a l’Ostal del Despartament. Organizada pel Conselh general de Tarn e menada per l’associacion « CORDAE/La Talvera [+] » la jornada èra mai que mai pels professionals del torisme e agents departamentals desiroses de far dintrar la valor ajustada de la cultura occitana dins lors activitats. Se parlèt d’istòria, toponimia, patronimia, arquitectura, lenga, musica e legendas occitanas als participants tantes e maites que se diguèron contents d’aquesta jornada de sensibilizacion densa et enrichissenta.
Mars/Avril de 2013 :
De classas se dobrisson e de plaquetas informativas sus l’occitan se difusan : Tarn se ten a sos engatjaments per l’ensenhament de l’occitan. Doas seccions bilingüas francés/occitan se son montadas a la dintrada de 2012 dins las escòlas mairalas « Jean Jaurès » a Carmauç e « Jacques Durand » e Reialmont. En mai, s’es dobèrta l’opcion « occitan » al collègi « Jean Jaurès » a-z-Albi e al collègi de L’Illa-de-Tarn. Aquelas oberturas seguisson los objectius fixats per la « Convencion pel desvelopament de l’ensenhament de l’occitan » signada per l’Inspeccion d’Acadèmia e lo Conselh general de Tarn lo 20 de setembre de 2010. Per fin d’associar e de sensibilizar los ciutadans a l’aprendissatge de la lenga occitana, lo Conselh general edita ara doas brocaduras per informar los Tarneses : l'una explica los atots del bilingüisme francés/occitan e l’autra presenta ont e cossí s’ensenha l’occitan dins Tarn tant als escolans coma als adultes. Difusadas pel Conselh general e per la Direccion dels servicis despartementals de l’Educacion nacionala de Tarn, aquelas plaquetas se trapan tanben sul site internet del Conselh general, rubrica « lenga e cultura occitanas » : www. tarn.fr