logo-region-occitanieAprès lo nom, una identitat visuala. La region Occitània comunica.

Lo 24 de junh de 2016, la novèla region eissida de l'union de Lengadòc-Rosselhon e de Miègjorn-Pirenèus trobava un nom. Après una importanta consultacion ciutadana, l'assemblada adoptava lo nom Occitània, seguit de la signatura Pirenèus Mediterranèa.

Lo temps es ara vengut d'accompanhar aquel nom d'un lògo per aquela region situada al còr de l'arc mediterranèu, fòrta de sos 13 departaments (mai de 5 milions d'abitants), de sos 15 pòls de competitivitat, de sas 35 universitats e grandas escòlas.

Per bastir l'identitat visuala de la Region, los elegits regionals an adoptats en comission permanenta lo 25 d'octobre de 2016, sus proposicion de Carole Delga, las modalitats d'organizacion del concors del lògo de la Region Occitània / Pirenèus Mediterranèa.

Lo concors es dubèrt, del 28 d'octobre al 28 de novembre de 2016, als estudiants e diplomats de las escòlas d'art, de grafisme e de design, o que seguisson de formacions qualificantas dins aquestes domènis, aital coma las personas marcadas a la Maison des artistes.

[ne saupre mai] - [lo guida]

Lo guida propausa una presentacion simpla mas d'un grand interès suls logotips e blasons de la region Occitània e dels departaments limitròfs.

 

blasons-occitania