21/11/16 - Lo departament de Tarn signèt una convencion amb lo CIRDÒC - Pòl associat a la Bibliotèca Nacionala de França (BNF), lo CIRDÒC es una mediatèca publica especializada sul patrimòni occitan. Salvagarda e valoriza mai de 150 000 òbras, met a disposicion de sos partenaris mòstras e suspòrts d'informacions, assegura tanben de formacions professionalas pels bibliotecaris.
Amb aquel partenariat, lo departament de Tarn enriquís lo fons occitan de la bibliotèca e dels archius del departament, respond a la demandas de las mediatècas e bibliotècas escolaras, ostals de retiradas, professionals del torismes, respond tanben a las aspriacions dels ciutadans que se son declarats favorables a 81 % al desvolopament de l'ofèrta culturala occitana dins l'enquèsta sociolingüistica menada en 2010 sus la region Miègjorn-Pirenèus. Lo departament de Tarn èra un partenari d'aquela consultacion.
Actor màger de la politica en favor de l'occitan dins la nòva region Occitània lo CIRDÒC serà amb aquela convencion un partenari preciós pel departament de Tarn que se vòl "Còr d'Occitània". Aquel partenariat afortir lo ròtle del CIRDÒC dins la region e confirma las prerogativas de l'organisme.
Philippe Sour, encargat de la mission occitana al prèp del departament, balhèt al setmanièr La setmana qualques informacions sus la convencion e sus las mesuras presas o a préner per la cultura occitana en albigés [aquí], afirma que « Tarn vòl respondre a la demanda en occitan dels tarneses ».
*
Çai jos la mapa de l'enseignament de l'occitan dins lo departament de Tarn.
