Ginolhac Crotz occitana 2021
Lo 2 d'octobre a Albi : conferéncia de Ramon Ginolhac

Lo dissabte 2 d'octobre de 2021 a 17h se debanarà al Centre Occitan Rochegude (COR) d'Albi una conferéncia debat de Ramon Ginolhac sus la crotz occitana.

Aquel eveniment seguís la parucion al mes de març del libre Histoire de la croix occitane. Aquí Ramon Ginolhac sintetizava lo fruch de sas recèrcas sus la crotz venguda simbòl per totes los occitans e assajava de respondre a divèrsas questions que se pausan encara a son subjècte. D’ont ven ? Quina es son istòria ?

Lo subjècte es vast e apassiona lo mond dempuèi de sègles. Se pòdon trapar d’afirmacions divèrsas, amb o sens pròvas, e sovent en contradiccion entre elas, sus l’origina e l’istòria d’aquela crotz.

La conferéncia que presentarà lo 2 d'octobre sarà l'ocasion per el de tornar sus las questions que demòran dubèrtas. Lo títol de sa presentacion es : Punts en debat sus la crotz occitana.

Se volètz contestar d’unas causas, o se sètz pas completament convençudas e convençuts per d’unes punts, o tot simplament, s’avètz de questions a pausar, l'autor serà aquel 2 d'octobre a Albi prèst a vos respondre.

Conferéncia Ginolhac Albi 2021

Robèrt Martí sul diccionari de Loís Alibèrt (1988)

Diccionaire occitan-français de Louis Alibert

Testimoniatge de Robèrt Martí sul diccionari de Loís Alibèrt.

Joan Jaurés : educacion populara e lengas (1911)

Joan Jaurés

Lo 15 d'agost de 1911 dins La dépêche du Midi èra publicat un article de Joan Jaurés. Tornava aquí sus la lenga occitana que parlava correntament.

'Los tres gendres del paure òme' : presentacion de Domenja Blanchard

Los tres gendres del paure òme

En 2008 sortissiá lo libre d'Ives Roqueta Los tres gendres del paure òme.