Se debanarà del 6 de març al 5 d'abril de 2024 la Prima de l'IEO12. Los eveniments se faràn a La Barraca, Camboulazet e Moyrasés.
Al programa : contes, concèrt, balèti, descobèrta...
Dimècres 6 de març a La Barraca, Ostal de la comuna, sala Jacques Boubal.
- 16h00 - Parlòta, conversacion intergeneracionala dubèrta a totas e totes, per parlar de jòcs, d'un còp èra e de d'uèi (de societat, d'internet, d'escòla, de dedins e de defòra).
- 17h30 - Conferéncia de premsa.
- 18h00 - Inauguracion de la Prima.
Dijòus 7 de març a la bibliotèca municipala de La Barraca e tota la jornada : presentacion d'albums en occitan per Cristian Andrieu (nivèl CP-CE). Presentacion dels aucèls de per çò nòstre per Cristian Andrieu (nivèl CM). Public escolar de las seccions bilingüas de l'escòla Georges Brassens de La Barraca. A gratis.
Dissabte 9 de març tota la jornada a Camboulazet : estagi de tecnicas vocalas amb Rosalina Cortial.
Dimècres 13 de març a l'Ostal de la comuna, sala Jacques Boubal a 18h00 : descobèrta d’una òbra de Roergue, en preséncia de l’autor, Joan-Loís Cortial : Lo caval de la Viguièira. A gratis.
Dijòus 21 de març al fogal « Les Fontanilles », a La Barraca. 15h00, animacion contes e cançons, amb Paul Bony (CCOR) e Simona Fenayrou (IEO12).
Dimenge 24 de març a la sala del cinèma, Plaça de l’Ostal de la comuna a La Barraca de Fraisse a 17h00 : teatre amb UTSN (Un Teatre Sens Nom). Diablògues de Roland Dubillard.
Divendres 5 d’abril a la sala de las fèstas de Moirasés :
- 15h00 - Restitucion del trabalh de la Talvera amb las escòlas dins los Itineraris prepausats pel Departament.
- 20h30 - Balèti animat per La Talvera, danças de Roergue, de Carcin e d'autras regions occitanas. 12 èuros (10 èuros aderents), a gratís pels mens de 16 ans.
