'Lo Fantauma de Canterville' d'Oscar Wilde

Es estat publicat a la fin de 2025 lo libre Lo Fantauma de Canterville... e autres contes d'Oscar Wilde.

La traduccion es de Pèire Beziat. Lo libre es propausat dins la colleccion Flor Inversa d'IEO Edicions.

Lo conte Lo Fantauma de Canterville presenta l'istòria de l’american Hiram B. Otis que ven de crompar Canterville, proprietat dempuèi de sègles d’un nòble e rèirevièlh linhatge anglés. Tanlèu installada la familha, lo fantauma comença de se manifestar. Mas aqueste es pas al cap de sas penas. Quora patetic, quora risolièr, capleugièr o terrible, aquel conte mescla lo fantasc al fantastic. L’autor, amb son umor de dandi, se plai a escarnir los còdis socials de son epòca.

Oscar Wilde nasquèt lo 16 d’octobre de 1854 a Dublin, es mòrt lo 30 de novembre de 1900 a París, foguèt un escrivan, romancièr, dramaturg e poèta irlandés. Nasquèt dins la classa mejana protestanta irlandesa de Dublin d’un paire cirurgian reputat, Sir William Wilde, e d’una maire poèta, Lady Jane Wilde.

Noirit per la cultura classica e premiat pel Trinity College de Dublin, faguèt sos estudis al Magdalen College de l’Universitat d’Oxfòrd, ont desvolopèt son personatge d’esteta e de dandy, influenciat pels prerafaelitas e per las teorias de L’art per l’art de Walter Pater, John Ruskin e Whistler.

Après sos estudis, s’installèt a Londres, ont capitèt de s’integrar dins la nauta societat e los cercles cultivats e excelliguèt dins divèrses genres literaris.

Pèire Beziat, traductor, nos torna presentar aquí en occitan una novèla òbra màger de la literatura mondiala. Ven après las sortidas de :

  • L’Iscla del Tresaur de Robert Louis Stevenson en 2015 (IEO Edicions) ;
  • Lo mond perdut de Sir Arthur Conan Doyle en 2017 (IEO Edicions) ;
  • dos volums de Las aventuras de Sherlock Holmes d'Arthur Conan Doyle en 2018 (IEO Edicions) ;
  • Viatge amb un ase per Cevenas de Robert Louis Stevenson en 2019 (Éditions des régionalismes) ;
  • La Legenda de Sleepy Hollow de Washington Irving en 2021 (IEO Edicions) ;
  • La Pèsta Escarlata de Jack London en 2021 (Éditions des régionalismes) ;
  • 1984 de George Orwell en 2022 (Éditions des régionalismes) ;
  • Las Memòrias de Sherlock Holmes d’Arthur Conan Doyle en 2024 (Éditions des régionalismes) ;
  • Las trenta-nòu Grasas de John Buchan en 2025 (Éditions des régionalismes) ;
  • Lo cas estranh del Doctor Jekyll e Sénher Hyde de Robert-Louis Stevenson en 2025 (Éditions des régionalismes).

*

mars

'Lo fantaume de Canterville' d'Oscar Wilde

Lo fantaume de Canterville d'Oscar Wilde, IEO Edicions, 2025

 

La pèsta escarlata - Jack London

mars Pèire Beziat contunha son trabalh de traduccion pel plaser dels lectors occitanofòns.

Ven de sortir en 2021 La Pèsta escarlata de Jack London. Lo libre de 98 paginas es publicat per las Éditions des Régionalismes. Un libre que l'actualitat tornar malaürosament metre en avant.

L'istòria se debana en 2073 e los òmes son vestits de pèls de bèstias…

Lo libre es un raconte d'anticipacion postapocaliptic. Un vielhon, un còp èra professor d’universitat a San Francisco als Estats Units conta los eveniments que se debanèran pel passat : los de la Pèsta Escarlata.

Peasants Into Frenchmen

peasants-into-frenchmen Peasants Into Frenchmen d'Eugen Weber (Standford University Press, 1976, 632 paginas).

Presentacion – França acabèt son unitat nacionala mai tard que çò que se ditz comunament. Pendent mai de cent ans après la revolucion, de milions de païsans visquèron dins un mond fòra temps, lor condicion d'existéncia demorava identica a la de la generacion precedenta.

Lux veneris - Joan-Ives Casanòva

Lux veneris de Joan-Ives Casanòva (Trabucaire, 2003, 88 paginas, 12 €). Raconte de l'amor e del desir. Extrach :

Ai ! lo desir, avètz bèu ròtle amb vòstre desir que vos ven ais uelhs coma lo velhaire dau mond, bèu ròtle de nos faire creire a son bonaür e a son espetament e après, de que faire après, donc, de que pensar après amb totei lei gèsts vergonhós e banaus de la cigarreta alucada, la lenga que se bolega soleta dins la boca per vestir lo silenci que se pòt pas eternalament lecar lei fendas umidas e escartar d’aise d’aise amb lei dents, de la poncha de l’esmaut, lei labras sarradas de la cambra. E, digatz-me, de que dire e de que faire après ? Comolar, comolar lo vuege, l’organizar, faire coma se, coma se pòt faire, coma se podriá faire, coma se deu faire, lo temps de recomençar s’o podètz, de laissar tombar lo tròç de carn flaca que vos pendola entre lei cambas ò alara de ren dire, d’acceptar lo silenci coma paraula, d’escotar lo respir de l’autre e lo sieu, de lei comparar, de veire son pitre se levar e se desgonflar, esperant la sòm, lo roncament, lei cambas umidas que se cròsan, de se desvelhar e partir a la muda per òrta...