L'immunitat collectiva dins l'Union Europèa contra la malautiá covid-19 deuriá èsser atencha en julhet segon Thierry Breton comissari europèu a l'industria en carga de la mesa en plaça de las vaccinacions.

Pensa que dispausa desenant a la debuta del mes d'abril de 2021 de pro de visibilitat sus la fabricacion, lo stocatge, l'enflacotnatge, los tests dels vaccins de las diferentas societats farmaceuticas per poder preveire la sortida de la crisi.

Precisa que son 14 milions de dòsis que son estadas liuradas a l'Union en genièr de 2021, 28 milions en febrièr, 60 milions en març. Per lo trimèstre que ven, abril, mai e junh, son 100 milions de dòsis per mes que son esperadas. Puèi per l'estiu 120 milions. Per l'automne de 2021 son 200 milions de dòsis per mes que seràn disponiblas.

En foncion d'aquelas donadas lo comissari considèra que l'immunitat collectiva serà atencha a la mi julhet. Precisa que lo retard de l'Union es degut al laboratòri AstraZeneca que liurèt pas los vaccins prevists.