En rason de las incertitudas ligadas als variants del virus sars-cov-2 d'injeccions suplementàrias, pel vaccins a ARN messatgièr, seràn benlèu necessàrias.

Es Albert Bourla, president e director general de la societat Pfizer que produsís un dels vaccins los mai emplegat de pel mond contra la covid-19 que comuniquèt al mes d'abril de 2021 dins aquel sens.

Pel moment amb lo vaccin de Pfizer/BioNTech sola doas injeccions son previstas. Mas las instituccions e las societats farmaceuticas an pas pro de conneissença sus la dinamica epidemiologica per saupre dins l'avenir çò que ne serà de la malautiá.

Per Albert Bourla « una tresena dòsi serà probablament necessària entre sièis meses e dotze meses, puèi i aurà una vaccinacion cada an, mas tot aquò deu èsser confirmat ».

Los estudis son a se far.

Los dos vaccins los mai eficaçs contra la covid-19 son los de Pfizer/BioNTech e de Moderna. Totes dos emplegan la tecnica de l'ARN messatgièr. Lor efficacitat es de 94-95 % qualques setmanas après la segonda injeccion.

Los efèctes segondaris per aqueles vaccins son mendres que per los qu'utilizan un victor viral coma los d'AstraZeneca o de Johnson & Johnson, ont de cases de trombòsis grèus son estats relevats.