De dòsis suplementàrias de vaccins per l'Union
Lo dissabte 8 de mai de 2021 Ursula von der Leyen, presidenta de la Comission Europèa, anoncièt que l'Union aviá passat una comanda fèrma a las societats BioNTech e Pfizer de 900 millions de dòsis de vaccin, e pres un opcions sus 900 autres millions.
Las liurasons d'aquelas dòsis son previstas entre 2021 e 2023.
Los vaccins a ARN messatgièr de las societats BioNTech e Pfizer son de luènh los mai emplegats dins l'Union per luchar contra l'epidemia de covid-19.
Pauc d'efièches segondaris son estats constatats e ofrisson una de las melhoras proteccions possibla.
Dins la lucha contra la malautiá los vaccins demòran lo mejan mai eficaç. La vaccinacions s'organizas : en França son entre 500 000 e 600 000 injeccions que se fan cada jorn.
Al subjècte de las vaccinacions la presidenta de la comission precisava lo 6 de mai dins un de sos messatges sus twitter : « 200 milions de dòsis de vaccins son estadas liuradas als europèus entrò ara. E son 200 autres milions que son estadas liuradas en defòra. Dubèrtura e equitat son las marcas d'Euròpa. Sèm la farmacia del mond e ne sèm fièrs. »