Los dreches a la vaccinacion contra la malautiá covid-19 per las personas de mai de 50 ans que se deviá dubrir lo 15 de mai se dubriràn lo 10 de mai.

L'anóncia es estada facha lo dijòus 6 pel president de la republica, Emmanuel Macron.

Demai, tre lo dimècres 12, totas las personas adultas podràn assajar de se marcar per se far vaccinar amb las dòsis encara disponiblas, la velha per l'endeman.

La vaccinacion progrèssa, mas l'epidemia perdura. A la debuta del mes de mai son entre 20 000 e 30 000 personas que son testadas positivas a la covid-19 cada jorn.

Lo 5 de mai en França son un pauc mai de 16 milions de personas que son estadas vaccinadas almens un còp. Sèt milions an reçaupudas doas dòsis.