L'agrandiment de la centrala electrica nucleara de Penly debuta

Lo dijòus 12 de març de 2026 lo president de la republica francesa èra en Normandia a Penly per actar oficialament la debuta de la construccion dels novèls reactors de la centrala electrica nucleara.

Lo president qualifiquèt las òbras que debutavan de « chantier du siècle ». Dos reactors seràn bastits del tipe EPR2.

Son ja un milièr de trabalhadors que son present sul site. Après las òbras de terrassament, debutarà en 2029 la construccion dels reactors. La mesa en servici es prevista per 2038.

Lo president aprofechèt de l'escasença per tornar rapelar la situacion francesa rapòrt al nucleari civil :

• 57 reactors repartits sus 18 sites ;
• per una produccion de 370 tWh^* d'electricitat ;
• 90 tWh son exportats.

Tornèt tanben rapelar que l'electricitat nucleara produsís 12 gramas de CO₂ per kWh contra 490 pel gaz e 820 pel carbon.

Dos autres projèctes d'agrandiment son en preparacion : un a Gravelines e l'autre a Bugey.

●

^* Un kWh representa 10³ Wh, un tWh representa 10¹² Wh.

●

Map de las centralas nuclearas franceseas e lista dels reactors EPR2 prevists