Dins lo jornal La Beluga (Tarn e Garona), d'agost de 2008, Norbèrt Sabatièr evocava l'associacion ara despareguda l'Escolo Carcinolo.

L’Escolo Carcinolo

En 1850, Joan Castelà, lo poèta-molinièr de Lobejac, publica sos Farinals, amb un prefaci de Mari-Lafon. Son qualqu’unes d’aquestes fulhets que van balhar lo vam al Perbòsc, çò ditz la legenda, el que ditz son primièr poèma : Brinde al Carci e sos Felibres pourtat al banquet del 11 d’ost de 1890. D’aquestes, se tròba Ipolita Lacomba de Cauçada, autor del libre titolat Las Lambruscas de la lenga d’Aquitanio, publicat en 1879. Aviá fondat una Escolo Carsinolo qu’a pas plan viscut.

Mas en 1895, son sèt a fondar la vertadièra Escòlo Carsinolo e a li balhar coma capiscòl lo montalbanés Augustin Carcin (nascut a Lafrancesa dins l’ostal de Mari-Lafon) qu’escriu fòrça risèyos recampadas dins lo recuèlh postum Camrosos carsinolos. La tuberculòsa l'empòrta en 1899 e l’annada d’après es lo torn de Lacomba. Fa que seràn pas mai aquí per presidir a las Fèstas de l’Escolo Carsinolo.

Cada an ça que la, dempuèi la fondacion, fèstas bèlas son organizadas : en 1905 a Montalban, en 1908 a Cauçada en l’aunor de Lacomba, en 1910 a Lafrancesa pel centenari de la naissença de Mari-Lafon, en 1911 a Montalban per l’inauguracion del buste de Carcin realizat pel sieu amic Bordèla, etc. Cada còp i a una taulejada, de bravas parladissas amb la remesa dels prèmis dels Jòcs florals, emai i pòt aver una serada musicala seguida d’un balèti...

Dempuèi 1905 pareis l'Almanac Carsinol que mençona fièras e mercats e que publica countes, poezias e prouverbes en Lengo Carsinolo.

De las autras manifestacions, cal mençonar la de 1935 pel centenari de la naissença de Leon Cladel amb l’inauguracion de son buste escalprat per Bordèla.

L’Acadèmia de Montalban e l’Escolo Carsinolo son representadas per Pèire Gardas e Frederic Cairon. Es el que presida la sesilha de dintrada de l’Escolo Carsinolo del 17 d’octòbre de 1953, preludi de las fèstas del centenari de la naissença del felibre Augustin Carcin.

En 1961, lo capiscòl Pèire Gardas balha un omenatge a Antonin Perbòsc pel centenari de sa naissença a Labarta de Carcin : un casse es plantat e una placa pausada a la dintrada de l’ostal comun.

Pèire Gardas es lo darrièr capiscòl de l’Escòlo Carsinolo qu’es pas arribada a festejar son centenari.

Norbèrt Sabatièr, president de l’Acadèmia de Montauban
La Beluga numèro 2, (Tarn e Garona, 2008)


Joan Jaurés : educacion populara e lengas (1911)

Joan Jaurés

Lo 15 d'agost de 1911 dins La dépêche du Midi èra publicat un article de Joan Jaurés. Tornava aquí sus la lenga occitana que parlava correntament.

Max Roqueta e lo roman

Mièja-Gauta

Lo tèxt çai-jos es extrach de la plaqueta de presentacion de la mòstra : Max Roqueta, la libertat de l’imaginari, que se debanèt en 2014 e 2015 a Montpelhièr.

Ajuda militara a Ucraina : Caesars e missils AASM

Missil AASM

Lo 18 de genièr de 2024 lo ministre de la defensa francés Sébastien Lecornu anoncièt un cèrt nombre de mesuras per ajudar Ucraina dins sa lucha contra l'occupant rus.

Joan Jaurés : educacion populara e lengas (1911)

Joan Jaurés

Lo 15 d'agost de 1911 dins La dépêche du Midi èra publicat un article de Joan Jaurés. Tornava aquí sus la lenga occitana que parlava correntament.

Patrick Sauzet : Per un modèl mimetic del contacte de lengas (1987)

Sul perqué de l'abandon de la lenga occitana, al delà del modèl erosiu e del modèl conflictual. Un article de Patrick Sauzet dins la revista Lengas.