Lo Grelh Roergàs publiquèt a la debuta de 2026 lo darrièr roman de Sèrgi Gairal, Mistèri.
Lo libre de 168 paginas conta la desaparicion misteriosa de Celina, joventa de vint-e-dos ans. Un roman que nos tòrna rapelar que las desaparicions inquietantas son malaürosament regularament d’actualitat.
Sèrgi Gairal publiquèt son primièr roman en 1996, Lo barracon a cò d'IEO Edicions. Nos contava ja aquí la desaparicion d'una joventa, Clotilda, dròlla de dètz ans, orfanèla de sa maire, que suportava pas que son paire se faguèsse de la mèstra. Clotilda tornèt aparéisser un mes e mièg pus tard, e l'autor nos contèt sa fuga en 2013, dins un autre roman incisiu e plan mestrejat, Las vacanças de Pascas.
Mistèri, amb lo raconte de la desaparicion de Celina, es una novèla ficcion de l'autor sus aquel terren amb aquí la volontat d'evelhar a la lectura, interrogacions, sospechas e suspresas.
Primièra de cobèrta del libre de Sèrgi Gairal, Mistèri (2026, Grelh Roergàs)
Dins una lenga precisa, modèrna, eficaça, saborosa, liura e naturala, plena d'umor e de ferocitat, Florian Vernet propausa al lector amb
Fin de partida sièis nòvas.
Sortiguèt en 2018 lo libre de Georg Kremnitz Katalanische und okzitanische renaissance.
Belugas d’endacòm mai de Claudi Assemat (IEO de Tarn, 96 paginas).