Quines son los que parlan occitan ? Quantes son ? Perqué utilizan la lenga occitana ? Cossí l’an apresa ? La transmeton ? Perqué ? Qué ne pensan los que la parlan pas ?
L'Ofici Public de la Lenga Occitana (OPLO) per respondre a totas aquelas questions efectuèt a la debutat de 2020 una enquèsta sus l'usatge, la transmission e la percepcion de la lenga occitana en Nòva Aquitània, Region Occitània e Val d'Aran. 8 000 personas son estadas interrogadas.
Redigit en francés los resultats son estats publicats dins l'estiu de 2020.
Segon l'OPLO l’augmentacion del nombre de locutors actius demòra una prioritat. Per aquò far, dètz ans après las darrièras enquèstas sociolingüisticas realizadas a Aquitània e Miejòrn Pirenèus, èra necessari que los poders publics aguèsson de donadas actualizadas sus la lenga, las siás practicas e las siás representacions. L'enquèsta aviá per objectiu primièr d'actualizar per l'administracion aquelas donadas.
Lo territòri considerat representa qu'una part reducha del domèni occitan. S’agís pr'aquò de la primièra enquèsta d’aquel tipe dins un airal tan ample.
Percentatge de las personas disent parlar occitan sens dificultat o pro per manténer una simpla convèrsa, segon l'enquèsta de l'OPLO en 2020