Dins lo magazine lartvues.com, lo 30 d'abril, Carole Delga reagissiá a la sasida del Conselh Constitucional subre la lei Molac.
Dins son tèxt torna rapelar l'importància d'aquesta lei e apèla los deputats e lo govèrn a respectar lo trabalh de las associacions, dels parents dels escolans e dels ciutadans qu'an trabalhat per qu'aquela lei siá possible.
Afirma son estacament a las culturas occitana e catalana que considèra coma portairas de valors essencialas.
La presidenta del conselh de la Region Occitània ne profiècha per saludar lo trabalh realizat pel deputat Paul Molac e totes los que permetèran la votacion d'aquela lei.
Dis regretar la sasida del Conselh Constitucional, sasida sostenguda pel ministèri de l'Educacion Nacionala. Per ela aquel recors es « malvengut ».