Lo primièr ministre Jean Castex anoncièt lo 2 de mai dins lo jornal Lo JDD que la lista de la majoritat La République en marche (LREM) se retirava al profièch del president sortent de la region Provença Alp e Còsta d'Azur, Renaud Muselier.

Es çò que desirava l'elegit Les Républicains (LR). Pres entre l'esquèrra e l'extrèma drecha aqueste desirava d'èsser rejónh per d'elegits de la majoritat presidenciala. La secretària d'Estat encargada de las personas andicapadas, Sophie Cluzel, serà notadament sus la listat LR.

Jean Castex declarèt : « La majoritat presidenciala respond fòrça favorablament a l'iniciativa de Renaud Muselier. » E d'apondre : « Lo país es en crisi, la majoritat presidenciala agís, se deu alargar e deu saber federar. »

Las eleccions regionalas en França se debanaràn los 20 e 27 de junh de 2021.