NASAMS
Batariá antimissil NASAMS a l'espèra © Raytheon

Lo 3 de julhet de 2022 Oleksii Reznikov, ministre de la defensa d'Ucraina mercejava publicament sus Twitter lo president dels Estats Units, Joe Biden, per sa decision de fornir a son país en guèrra de NASAMS.

Los NASAMS per Norwegian/National Advanced Surface to Air Missile System permeton de protegir l'espaci aerian, e, notadament, de destrusir de missils.

Lo sistèma es estat desvolopat dempuèi la fin de las annadas nonanta per la societat norvegiana Kongsberg Defence & Aerospace en associacion amb l'estatsunidenc Raytheon.

La decision èra esperada, la populacion civila ucrainesa patissent dempuèi lo mes de febrièr de 2022 de las destrucions degudas a de missils rus.