Los elegits de Bastir ! - Municipalas de 2014

Per las municipalas de 2014 en França, mai de 50 membres del moviment Bastir ! son estat elegits.

Sul moviment Bastir ! : "Es un projècte occitanista que fa una plaça granda a la question de la lenga e de la cultura occitana mas qu'es portaire d'una vision occitanista del desvolopament de nòstres territòris. Es un projècte que pòrta l'idèa que las decisions se devon prendre de faiçon de mai en mai descentralizada. Es dins aquestas condicions que poirem trobar las solucions a las crisis (economica, ecologica, sociala) que nos tòcan.

"Bastir ! s'engatja ara a metre en plaça una associacion d'elegits. Serà compausada dels elegits del movement nòstre gessits de las eleccions de dimenge passat (30/03/2014) mas tanben dels elegits que nos voldràn acompanhar dins la creacion d'un grop d'elegits que poirà trabalhar amassa sus las questions que nos preocupan.

"Lo movement ciutadan qu'a permés aquela preséncia a las elecccions contunharà d'existir e de trabalhar al prèp dels elegits municipals. Bastir ! poirà donc caminar sus doas cambas.

"Es un movement ciutadan compausat de personas qu'an un engatjament dins un partit, d'autres qu'an un engatjament associatiu o d'autres qu'an pas de responsabilitats particularas mas qu'an vist amb Bastir ! la possibilitat de s'implicar dins la vida publica e de se metre al servici d'un projècte ciutadan."

Lista dels elegits - Elecion municipalas de 2014 :