Jean Castex anoncièt lo dijòus 20 de mai de 2021 que totas las personas de mai de 18 ans sens condicion se podràn far vaccinar contra la covid-19 tre lo diluns 31 del mes de mai.

La data prevista èra lo 15 de junh. La volontat d'aténher l'immunitat collectiva abans l'estiu e la disponibilitat de las dòsis permetan al govèrn d'accelerar la campanha de vaccinacion.

Al 20 del mes de mai son un pauc mai de 20 milions de personas que son estadas vaccinadas en França al mens un còp. L'objectiu es de n'aver vaccinat almens 30 milions pel 15 de junh.