Lo ministèri francés de la santat comuniquèt a la fin del mes de març de 2021 sul vaccin de Johnson & Johnson : uèch milions de dòsis seràn liuradas a la autoritats francesas d'aicí la fin del mes de junh, d'ont 500 000 al mes d'abril.
L'Agéncia Europèa dels Medicaments (EMA) autorizèt lo dijòus 11 de març de 2021 l'utilizacion dins l'Union del vaccin de la societat Johnson & Johnson.
Ursula von der Leyen anoncièt dimècre 10 de març de 2021 que quatre milions de dòsis suplementàrias del vaccin de Pfizer/BioNTech contra la covid-19 serián disponiblas pels païses de l'Union Europèa abans la fin del mes.
Lo dijòus 4 de març de 2021 l'Agéncia Europèa dels Medicaments (EMA) indiquèt que veniá de debutar son examen del vaccin Sputnik V.
La societat Johnson & Johnson depausèt al prèp de l'Agéncia Europèa dels Medicaments (EMA) un demanda d'autorizacion per son vaccin contra la Covid-19.
Al mes de febrièr de 2021 los catalans votavan per elegir lors parlementaris.
Lo 10 de febrièr de 2021 Carole Delga presidente de la region Occitània mandèt a Sophie Bejean rectritz de l'acadèmia de Montpelhièr e a Mostafa Fourar rector de l'acadèmia de Tolosa una letra per lor rapelar de respectar lo calendièr dels grops de trabalh prevists per organizar l'ensenhament en Region Occitània de las lengas occitanas e catalanas.
L'Agéncia Europèa dels Medicaments (AEM) autorizèt lo divendres 29 de genièr de 2021 l'utilizacion dins l'Union del vaccin de la societat AstraZeneca.
Al 22 de genièr de 2021 son mai de 900 000 personas que son estadas vaccinadas sul territòri francés.
Lo dimenge 17 de genièr de 2021, cent cinquanta elegits an escrich al president de la republica francesa Emmanuel Macron per li demandar l'organizacion d'un referendum per restacar lo departament de Léger Atlantic a la region Bretanha.
Lo dijòus 14 de genièr de 2021 lo primièr ministre francés anoncièt una generalizacion a tot lo territòri administratiu francés del cobrifuòc de 18h entrò a 6h del matin.
l'Agéncia Europèa dels Medicaments (AEM) indiquèt dimars 12 de genièr de 2021 que la societat AstraZeneca li aviá mandat una demanda d'autorizacion per son vaccin.
Dimècre 6 de genièr de 2021 l'Agéncia Europèa dels Medicaments (AEM) autorizèt l'utilizacion dins l'Union del vaccin de la societat Moderna.
Los mèdias italians propausan una pagina dedicada a las vaccinacions en cors contra la covid-19.
La Collectivitat Europèa d'Alsàcia (CEA) es intrada en foncion lo primièr de genièr de 2021.
Lo 28 de novembre de 2019 es estada signada una convencion entre l'Institut Geografic Nacional (IGN) e lo Congrès de la lenga occitana.
A la fin del mes de decembre de 2020, lo movement Occitanie País Nòstre comuniquèt sul nombre de comitats que lo compausan : èran cent.
L'INSEE publiquèt en decembre de 2020 las estatisticas sus las evolucions de la demografia en França.