Après un pauc mai de 25 jorns dins l'espaci a proximitat de la Luna, l'astronau Orion es tornada sus Tèrra lo dimenge 11 de decembre de 2022.
Segon la NASA qu'organizava aquesta primièra mission Artemis tot s'es plan passat.
L'objectiu èra de preparar lo retorn dels umans sus la Luna. De la fusada SLS (Space Launch System) al vaissèl Orion l'ensemble del dispositiu es estat mes a l'espròva.
Cap d'astronauta èra pas present dins l'abitacle d'Orion.
La mission seguenta Artemis II es desenant en preparacion. Partença prevista en 2024.
Qualques donadas sus la reintrada d'Orion dins l'atmosfèra terrèstra :
- velocitat d'intrada : 40 000 km/h ;
- temperatura de suportar pel bloquièr termic : 2 800°C.
L'astronau Orion torna sus Tèrra lo 11 de decembre de 2022 © NASA
