Del 1 de junh al 14 de julhet de 2018 se teniá en Itàlia dins las Valadas Occitanas l'eveniment La transmission de la lenga a travèrs...
Coma o ditz lo títol s’agissiá de propausar de leiçons d’aprendissatge de la lenga occitana de diferentas manièras.
1 - A travèrs lo confront amb d’autras lengas en participant a la session Lengas e dreches lingüistics lo de divendre 1 de junh e al collòqui En devisant amb los autors lo dissabte 2 de junh. Aquí èran presents lo jove autor Matthieu Poitavin e Matteo Rivoira.
2 - A travèrs d'escambis amb d'actors terren, testimònis de la vida dels territòri. Èran propausats quatre encontres dins las Comunas de Païsana (8 de junh, 21h00), de Criçòl (16 de junh, 15h00), de Oncin (23 de junh, 15h00), e Ostana (30 de junh, 15h30). Foguèron presentats sèt vidèos, realizadas per Andrea Fantino, pel compte de l’Union, titolats Traças : vòutz e memòrias de la Val Pò.
3 - A travèrs la literatura. Cap de lenga se salva pas sens un trabalh sul camp literari. Darrièrament, gràcias al trabalh de joves coma Peyre Anghilante, que publica regularament de traduccions, o de Franco Bronzat, que après aver publicat lo roman Lo darrier jarraç trabalha sus un autre projècte, la lenga occitana de las valadas a demostrat sa vitalitat.
Lo cors èra promolgut per l’Union Montana de las Comunas de Vísol, realizat per la Chambra d’òc e finançat per la Presidença del Conselh de Ministres dins l'encastre dels programas d’intervencions prevists per la lei 482/99 Nòrmas a tutèla de las minoranças lingüisticas istoricas.
S'adreçava al personal de l'adminitracion publica e dels operators culturals del territòri e, tanben, als ciutadans.
