La Tuta d'Òc : un pòl ressorça per la cultura occitana
Partit del constat que la cultura occitana beneficia d’un malhum flac en matèria de difusion, e qu’existís una demanda insatisfacha, l’IEO 31 a elaborat lo projècte d’obertura d’un espaci de difusion per la cultura occitana. Aquò serà un lòc obèrt al public amb un foncionament similar a lo d’una librariá amb per objectiu de propausar una ofèrta, la mai exaustiva possibla, de libres, CDs e DVDs, occitans o en ligam amb la cultura occitana.
Parallèlament a aquel lòc fisic i a ara un lòc virtual, un site de e-comèrci [La Tuta d'Òc] que permet a las produccions difusadas de beneficiar d’una visibilitat nacionala, e mai, internacionala. Aquò’s tanben un forum, un vertadièr pòl cultural que se desvolopa a l’entorn d’una programacion culturala : Los Rencontres de la Tuta d’Òc.
