L'Euroregion Pirenèus Mediterranèa remosa dins una entitat comuna a l'escala de l'Union, Catalonha, la Region Occitània e las Illas Balearas.

Es estada creada en 2004. Al nivèl administratiu es un Gropament Europèu de Cooperacion Territoriala. Son la Generalitat de Catalonha, lo Conselh Regional d'Occitània e lo Govèrn de las Illas Balearas que n'asseguran la governança. Sos administrators se procupan de las culturas pròpria dels territòris qu'administran per part e de lor lenga. Lo site de l'Euroregion es disponible en occitan.

Lo conceptors del site escrivan que « l’Euroregion valorizarà sas lengas euroregionalas e tanben las culturas novèlas : en dinamizar la practica e los escambis entre los joves a l’entorn de las lengas e la cultura euroregionala ; en facilitar l’integracion sociala e los escambis ligats al respècte de la diversitat culturala e lingüistica. »

Demai lo 29 de novembre de 2021 lo govèrn catalan sus son site informava que l'Euroregion veniá de crear un Grop de Lengas per ajudar lo catalan e l'occitan.

Participèran notadament a la reünion :

  • lo secretari general del Departament de Cultura de la Generalitat, Jordi Foz ;
  • Gabriel Rossinyol, en representacion del govèrn de las Illas Balearas ;
  • per la part occitana èra present, Benjamin Assié, conselhièr regional elegit responsable per las lengas catalana e occitana.