França, Alemanha e Espanha an anonciat lo diluns 17 de mai de 2021 la conclusion d'un accord dins lo projècte dich SCAF (Sistèma de Combat Aerian del Futur).
Las discussions menadas an segon la declaracion de las ministras en carga del projècte, Florence Parly, Annegret Kramp-Karrenbauer e Margarita Roble, « permés d'abotir a un acòrd equilibrat entre los diferents partenaris per l'estapa que ven de la fasa de demonstracion del programa ».
Aquesta fasa 1B que se deu accabar en 2024 serà finançada a egalitat pels tres païses.
L'estudi de fasa 2 que deu seguir prevei la realizacion per 2027 d'un demonstrator. Permetrà de provar la fisabilitat de las solucions tecnicas retengudas.
Mai que la concepcion d'un simple avion lo programa SCAF a per vocacion de pensar e bastit tot un sistèma d'aparelhs conectacts, de l'avion, als drònes que l'accompanharàn, en passant pels missiles e autres veïculs.
Las signaturas dels contractes amb los industrials son previstes per la fin de l'estiu.
