Virgin Galactic perseguís sos ensages
Lo dissabte 22 de mai de 2021 la societat estatsunidenca Virgin Galactic dempuèi lo spacepòrt de New Mexico mandèt un de sos vaissèls, lo VSS Unity, dins l'espaci.
Aquò èra lo primièr còp que de personas, los dos pilòts, èran mandadas dins l'espaci dempuèi Spaceport America. Aquel site a per vocacion de venir lo punt de partença dels toristes mandats dins l'espaci per Virgin Galactic.
Los dirigents de la societat considèran qu'aqueste vòl « es un progrès significatiu vèrs la debuta de l'esplechacion comerciala del torisme espacial ».
Lo societat Virgin Galactic mudèt son aparelhs en New Mexico en 2019 amb l'objectiu de debutar aquí los sieus vòls comercials.
Aquel vòl èra lo tresen dins l'espaci d'un dels vaissèls de la societat. Los dos primièrs se faguèron en 2018 e 2019 dempuèi Mojave en Califòrnia ont es basada la societat.
