Es estat inaugurat lo 2 de junh de 2018 lo Musèu de la Romanitat de Nimes.
Aquel musèu a per vocacion de presentar las colleccions d'objèctes arqueologic del relarg nimesenc, mas tanben de n'assegurar la salvagarda, l'estudi e la restauracion.
Un percors permanent debuta tre la dintrada menant lo visitor de l'Edat de Fèrre a l'Edat Mejana tot en passant, al còr de la vista, per lo periòde Roman.
D'expausicions temporàrias vendràn regularament enriquir aquel percors.
Lo bastiment es estat concebut per Elizabeth de Portzamparc. Es plaçat prèp de las Arenas. L'idèa dels conceptors èra de far dialogar las doas arquitecturas, l'una venent completar l'autra. Se costejan aquí lo classicisme de las Arenas e la fluiditat aeriana contemporanèa del musèu.
Aqueste tornar afortir la plaça de la ciutat de Nimes sus la mapa dels sites indefugibles per totes los pasionats d'istòria antica. E Nimes aquò's tanben : la Maison Cairrada, la Torre Manha, lo Castellum divisorium...
