La societat The Exploration Company desvolopa una capsula espaciala : Nyx.
Après una primièra mission que menèt una pichòta capsula en orbita per la Mission Bikini en julhet de 2024, se debanèt al mes de junh de 2025 la Mission Possible.
Alara qu'en 2024 de problèmas ligats a la nau que menava Nyx Bikini en orbita empachèran la capsula d'efectuar son intrada dins l'atmosfèra, aqueste còp la capsula posquèt intrar. Aquò pel primièr còp dins l'istòria per una capsula espaciala de concepcion europèa concebuda per una societat privada.
La debuta de l'intrada se passèt plan, al còp al nivèl de son posicionament e de las comunicacions.
La fin capitèt pas. Los engenhaires perdèron lo ligam amb l'astronau alara qu'èra a vint-e-sièis quilomètres de naut abans la fasa transonica e la dubèrtura dels paracasudas.
The Exploration Company desvelopa una tresena capsula, Nyx Earth, que deuriá volar en 2028.
