Lo 21 de març de 2026 Elon Musk capmèstre de Tesla, SpaceX e xAI, anoncièt la creacion de Terafab una fabrica de processors.
L'entreprenaire a per ambicion de botar en plaça, en orbita, una constellacion de satellits qu'establiriá dins l'espaci un centre de tractament de las donadas (data center).
Segon sos dires, li mancan de processors, la produccion mondiala actuala essent insufisenta.
Fidèl a sos abituds, prevei de produsir el meteis aqueles processors. Per aquò far trabalha a la construccion d'una megafabrica : Terafab, coentrepresa entre SpaceX, Tesla e xAI.
La constellacion prevista deuriá comprene fins a un milion de satellits nommats AI Sat Mini. Lo centre de donada aital bastit permetrà a las aplicacion d'IA (Intelligéncia Artificiala) de trabalhar. Aquestas necessitan una granda quantitat de calcul.
Un dels avantatge de posicionar los centres de calculs per l'IA dins l'espaci es qu'amont lo solelh lusís de contunh, çò que permet de produsir aisidament d'energia electrica.
Elon Musk amb SpaceX mestreja lo mandadís de satellits entre Tèrra e orbita bassa, sap tanben fabricar de satellits (SpaceX es l'actor principal de Starlink e de sa constellacion), li manca los processors.
Terafab es la solucion.
Elon Musk o dis aital : « : Se fabricam pas Terafab aurem pas los processors, e avèm besonh dels processors, donc anam bastir Terafab. »
Los satellits AI Sat Mini serián, al delà dels processors, de grand panèls solars de mai de cent mètres de long. Una autre element clau serà los radiators per evacuar l'energia termica produsida pels processors.
La poténcia de cada AI Sat Mini seriá de 100 kW. Son prevsit de satellits mai poderoses (1 000 kW) que perdrián alara la qualificacion Mini.
Un satellit AI Sat Mini tal qu'imaginat © SpaceX
AI Sat Mini versus Starship V3 e robòt Optimus © SpaceX
