La capsula CST-100 Starliner que s'ancorèt a l'Estacion Espaciala Internacionala (ISS) al mes de junh es tornada sus tèrra dins la nuèch del 6 al 7 setembre de 2024 sens los dos astronautas qu'aviá menats.
La NASA causiguèt per de rason de seguretat de far tornar Sunita Williams e Butch Wilmore a la debuta de l'an que ven amb una capsula Dragon Crew. Los dos astronautas van aprofechar de lor preséncia al dintre de l'ISS per participar a la mission venenta de la NASA.
La capsula Calypso mandada en orbita al mes de junh de 2024 encontrèt un seria de problèmas, al nivèl de sos motors e de son circuit d'èli, problèmas que son pas estats elucidats pel constructor Boeing. Es donc per de rasons de seguredat que la CST-100 es tornada en mòde automatic e non occupada.
