La dictada occitana en Albigés prevista lo dijòus 19 de genièr a 14h sala de Pratgraussals, carrièra Lamothe a Albi es estada reportada al mes de febrièr.
Lo tèxte legit serà tirat de l’òbra de Cristian Laus. Los organizators convidan d’escòlas, de collègis e de licèus, entre autres, la Calandreta d’Albi, l’Escòla Ròcaguda, l’escòla de Puòggoson, lo licèu Belavista, etc. mas precison que totas las participacions son benvengudas !
Quin que siá vòstre nivèl de lenga, poiretz partejar un moment convivial amb los escolans e escolanas del Grand Albigés ! E per que tot lo mond pòsca ensajar de ganhar un prèmi, serà prepausat una « dictada a traucs ».
Pel primièr còp los pichons de la Calandreta participaràn tanben amb una « Dictada a traucs a etiquetas ».
Al delà de la simpla dictada de nombrosas animacions son previstas pendent aquel moment de partatge intergeneracional : danças, musica e cants amb BrindAir’Òc.
Las inscripcions adultes son a gratis.
