Amassada de Versalha 2022
Los participants a l'amassada de Versalha (10 e 11 de març de 2022)

Lo 10 e 11 de març de 2022 se debanèt a Versalhas dins l'encastre de la presidéncia francesa del Conselh de L'Union Europèa una amassada. Remosèt los caps d'Estats e de govèrns dels membres de l'Union, la presidenta de la Comission e lo president del Conselh.

Los objectius èran :

  • de reafirmar l'unitat europèa après las agarridas e l'occupacion per Russia d'una part del territòri ucrainian ;
  • de trabalhar a de solucions per afortir las capacitats militàrias europèa e redusir las dependéncias de l'Union en energia, matèrias primièras, produches de santat, alimentacion, numeric o material de nauta tecnologia (semi-conductors).

Los Estats membres tornèran afortir lor sosten a Ucraina, condemnant la guèrra entamenada per Russia amb la complicitat de Bielorussia.

Al subjècte de la recenta candidatura d'Ucraina per intrar dins l'Union, la presidenta de la Comission, Ursula von der Leyen, declarèt : « La candidatura d'Ucraina es l'expression de lor desir e de lor drech de causir lor pròpri destin. » Considèra que los ucraineses « fan part de la familha europèa ».

La decision es estada presa a l'ocasion d'aqueste eveniment de presentar al mes de mai un projècte d'investiment per la defensa d'Euròpa. Seràn tanben propausadas rapidament de solucions per metre fin en 2027 a las dependéncias de l'Union en gas, petròli e carbon rus.