Dijòus 23 de junh de 2022, lo Conselh Europèu votèt a l'unanimitat per qu'Ucraina e Moldàvia ajan l'estatut de canditat a l'Union Europèa.
La decision èra esperada, particularament per Ucraina que lucha contra Russia dempuèi lo mes de febrièr per son independéncia.
La Comission s'èra prononciada per autrejar aquel estatut als dos païses lo 17 de junh passat.
Georgia que cotria amb Ucraina e Moldàvia aviá demandat aquel estatut reçaupèt una responsa negativa. Los membres del Conselh coma la Comission considèran que lo país deu encara melhorar sas institucions. La possibilitat per Georgia d'obténer aquel estatut demòra dubèrta.