Los daneses qu'avián entrò ara decidit de demorar en defòra dels organs europèus de defensa causiguèron lo dimècres 1èr de junh de 2022 d'enfin participar a la politica de defensa de l'Union.

Un referendum sul subjècte èra organizat, 67 % dels votants se son prononciats per n'acabar amb l'estatut particular de lor país al sen de l'Union que lor permet pas de prene part a la politica de defensa de l'Union.

En 2015 encara avián votats pel statu quo.

Mette Frederiksen primièra ministra danesa declarèt : « Danemarc pòt desenant participar a la cooperacion europèa en matèria de defensa e de seguretat. E ne soi fòrça, fòrça aürosa. »

La guèrra entamenada per Russia contra Ucraina al mes de febrièr torna definir las politicas de defensa al nivèl del continent. Al delà d'aquesta decision danesa, Suèda e Finlàndia decidiguèran de jónher l'OTAN.

Los caps d'Estats de l'Union remosats al congrès europèu de Versalha al mes de març de 2022 se prononcièran per un afortiment de la defensa europèa. L'organ màger en carga de son desvolopament es l'European Defence Agency (EDA).

Lo Danemarc, sol Estat de l'Union que ne fasiá pas part, podrà desenant participar a las activitats d'aquesta institucion.