Dimècres 16 de març de 2022 lo Conselh d'Euròpa, garant de l'estat de drech sul continent, excluguèt Russia de la lista de sos membres en rason de la guèrra entamenada per aquesta contra Ucraina.

Aquesta decision es estada presa l'endeman de l'anóncia facha per Russia que desirava pas pus far part d'aquela organizacion.

Tanben, aqueste dimècres 16 de març, lo ministèri de l'energia francés anoncièt que la malhum electric ucrainian e moldau èran desenant religats al malhum europèu.

Barbara Pompili, ministra, declarèt sus Twitter al subjècte d'Ucraina e d'aquesta coneccion : « Nos i èrem engajat, aquò's fach : lo malhum electric ucrainian que foncionava dempuèi la debuta de la guèrra en mòde isolat, es conectat dempuèi aqueste matin al malhum europèu. »

Lo dijòus 17 l'Agéncia Espaciala Europèa (ESA) de son costat anoncièt que suspendiá la mission ExoMars. Aquesta se deviá far amb una participacion russa, notadament pel mandadís dins l'espaci : es una fusada Soyouz que deviá èsser emplegada a Kourou. Segon l'agéncia un estudi es en cors per tornar definir los partenariats e la mission.

L'agéncia espaciala russa Roscosmos decidiguèt de suspendra sas collaboracions amb l'ESA e tornèt rapelar sos ingeniaires e tecnicians presents a Kourou après l'anóncia de las saccions europèa mesas en plaça après la debuta de l'occupacion russa en Ucraina.

Lo sector espacial en general presevat de las consequéncias de las tensions entre Estats es aqueste còp es impactat.