Dempuèi lo primièr d'abril de 2022, Lituània impòrta pas pus de gas en provenéncia de Russia.

La primièra ministra del país Ingrida Simonyté declarèt dins un tweet lo dimenge 3 : « Desenan e dins lo futur, Lituània non consumarà pas un centimètri cube de gas rus toxic. » Precisant que son país èra aital « lo primièr d'Euròpa a refusar las importacions de gas rus ».

Expausat mai que los autres païses europèus a las amenaças russas, del fach de lor posicion geografica, e rics d'una experiéncia dolorosa amb Russia dempuèi de sègles los païses Baltes trabalhan a se liberar de l'influéncia de lor vesin dempuèi d'ans.

Après los massacres constatats après lo depart de las fòrças d'occupacion dins lo nòrd d'Ucraina a la debuta del mes d'abril, los païses de l'Union Europèa trabalhan encara a augmentar las sanccions contre Russia. Las suspencions de las importacions de gas, petròli o carbon son consideradas e Lituània vol mostrar l'exemple.

Lo país cèrca tanben de racordar son malhum electric a lo de Scandinàvia.