França aviá promés a Ucraïna de li fornir de Mirages 2000 per melhor luchar conta las agarridas russas e liberar son territòri occupat.
La formacion dels pilóts en França es acabada dempuèi la fin de 2024. Los primièrs avions deurián arribar sul camp batalhièr en Ucraïna a la debuta de 2025.
Lo ministri de la defensa, Sébastien Lecornu, comuniquèt pas sul nombre total d'unitat que las autoritats francesas preveson de mandar. « Non comuniqui pas sul nombre de Mirage-5F, mas aquò abança », declarèt en octobre de 2024, abans d'apondre : « Las liurasons se faràn al primièr trimèstre de 2025. ».
Las liurasons son estadas confirmadas al mes de genièr de 2025.
Lo Mirage 2000-5F es la darrièra version de defensa aeriana del Mirage 2000. Es estat mes en servici en 1999.