Lo diluns 21 de març de 2022, en reünion extraordinària, la Federacion Europèa de las Institucions Nacionalas per las Lengas (EFNIL) decidiguèt a l'unanimitat d'autrejar a Ucraina l'estatut de membre associat.

Lo parlament ucrainian ne faguèt l'anóncia lo 22 de març se regaudissent d'aquesta decision que segon lor comunicat « permetrà a Ucraina de desvolopar una estrategia de proteccion legislativa de la lenga ucrainiana coma futura lenga de l'Union Europèa ».

L'EFNIL es un organisme independent mas coordona las institucions nacionalas dels Estats membres de l'Union Europèa qu'an per vocacion de promòure las lengas. Sas missions son notadament de desvolopar la diversitat lingüistica sul continent e de conselhar sos membres per fin de metre en plaça de politicas lingüisticas.

La Delegacion Generala a la Lenga Francesa e a las Lengas de França (DGLFLF) es membre de l'EFNIL. Lo sigle EFNIL significa en anglés : European Federation of National Institutions for Language.