Lo diluns 7 de març de 2022, l'Union Europèa dubriguèt la procedura d'examèn de las demandas d'adesion d'Ucraina, Georgia e Moldàvia. L'anóncia es estada facha per la presidéncia francesa del conselh de l'UE.

Los tres païses an depausada lor demanda en seguida de l'invasion russa d'Ucraina que debutèt lo 24 de febrièr de 2022. La Comission Europèa deurà donar un avís oficial e los 27 païses de l'Union deuràn puèi decidir se lor accordan l'estatut de candidats o non.

Lo procèssus pòt prene de temps ; après la demanda de Romania, la Comission metèt doas ans abans de se prononciar. L'adesion demanda l'unanimitat dels Estats membres.

Lo president del Conselh Europèu, Charles Michel, assegurèt que la demanda d'adesion d'Ucraina seriá discutida rapidament.

A la debuta de 2022 cinc païses son oficialament candidats a l'intrada dins l'Union : Albània, Macedònia del nòrd, Montenegro, Serbia e Turquia.