Se debanèt lo divendres 16 de mai de 2025 a Istanbol en Turquia un encontre entre de representants d'Ucraïna e de Russia.
L'entrevista organizada pel govèrn turc se deviá téner lo dijòus 15 de mai. La question se pausava alara de saupre se Vladimir Potin assistariá a la reünion. Volodimir Zelensky de son costat èra prèst a i participar.
Lo president rus venguèt pas e mandèt una representacion. En consequéncia lo president ucraïnian venguèt pas tanpauc. Demai l'entrevista entre las doas delegacions foguèt reportada a l'endeman. Se tenguèt donc lo divendres 16 de mai dins la tantossada. Durèt un pauc mens de doas oras.
Segon Kiiv, Russia apondèt a sas demandas, lo retirament de tropas ucraïnianas d'una part importanta del territori ucraïnian. Demanda inacceptabla per Kiiv.
Un escambi de presonièrs foguèt pr'aquo negociat.
Aquesta entrevista entre las doas parts èra la primièra dempuèi 2022.