Jacinda Ardern e Ursula von der Leyen lo 30 de junh de 2022 © Comision Europèa
Jacinda Ardern e Ursula von der Leyen lo 30 de junh de 2022 © Comision Europèa

Lo 30 de junh de 2022, Union Europèa e Nòva Zelanda an signat un acòrd comercial.

Al delà de l'aspècte purament comercial prevei d'engatgaments en matèria de durabilitat, notadament lo respècte de l'acòrd de París sul climat e dels dreches fondamentals del trabalh.

Los signataris preveson una augment de 30 % del volum comercial entre Union Europèa e Nòva Zelanda.

Ursula von der Leyen, presidenta de la Comission, declarèt a l'ocasion de la signatura : « Nòva Zelanda es un partenari essencial per nosautres dins la region indo-pacific. Aquel acòrd dubrís d'importantas perspectivas per las entrepresas, los agricultors e los consumators dels dos partits. »

L'acòrd prevei entre autre l'eliminacion dels dreches de doana sus las exportacions de l'Union vèrs Nòva Zelanda. La dubèrtura del mercat neo-zelandés dels servicis dins los domènis financièrs, de las telecomunicacions, dels transpòrt maritim e dels servicis de las liurasons.

Lo flux de las donadas numericas e las règlas de seguir pel comèrci numeric seràn facilitats e securizats.

Las discucions en prevision d'aquel acòrd avián debutat en 2018.