Un article del Jornal del conselh general de Tarn : AtoutTarn numèro 92 - octobre-novembre de 2012 - p29 :

Tarn adòpta son "Esquèma departamental de desvolopament de l’occitan 2012-2018"

L’Esquèma departamental de desvolopament de l’occitan 2012-2018 es estat adopat a l’unanimitat pel Conselh general del Tarn lo 21 de Junh de 2012. Cercant a una estructuracion eficienta e duradissa de la politica departamentala en matièra d’occitan, l’Esquèma ofrís una sintèsi de las accions menadas pel Conselh general e de las mesuras que se pòdon realizar per la promocion de la lenga e de la cultura occitanas.

L’Esquèma de desvolopament de l’occitan se sompartís en 5 axes correspondent als sectors d’intervencion de la mission "lenga e cultura occitanas" : Ensenhament – Economia e Torisme – Solidaritat e Socializacion – Arts e cultura – Politica publica partenariala. L’adopcion d’aquel esquèma fa resson a un processús apariant reflexion estrategica, consulatacion dels actors locals, dotacion d’apleches d’analisi e mesa en òbra de partenariats institucionals :

  • Novembre de 2008 : creacion de la mission "lenga e cultura occitanas".
  • Junh de 2009 : adopcion de "l’estat dels luòcs sus la cultura occitana dins lo Tarn"
  • Novembre de 2009 : organizacion de las "Assisas departementalas de la cultura occitana"
  • Setembre de 2010 : signatura amb l’inspeccion academica de la "Convencion pel desvelopament de l’ensenhament de l’occitan dins lo Tarn 2010-2015"
  • Decembre de 2010 : co-finançament de "l’enquèsta sociolingüistica suls usatges et percepcions de l’occitan en Miègjorn-Pirenèus" 
  • Febrièr de 2011 e julhet de 2012 : redaccion dels rapòrts sul "desvolopament economic basat sus la valorizacion de l’occitan" votats per l’Amassada de Miègjorn-Pirenèus.

L’Esquèma departamental de desvolopament de l’occitan se pòt consultar sul site internet tarn.fr