Julhet de 2013 Claudi Assemat, secretari del CREO de la Talvera, comunica :
Lo 22/07/13 lo CREO de la Talvera a mandat doas letras, l'una al ministre de l'Ensenhament e l'autra a la ministra de la Cultura e de la Comunicacion.
Lo messatge essencial que volèm far passar ten dins una frasa : creacion d'un pòl "lengas romanas" dins un licèu d'Illa-de-França e trabalh sus l'intercompreneson de las quitas lengas.
Cal plan notar que sèm dins una dralha que la ministra de la Cultura aviá preconizada dins sa letra del 17/08/2012 ont disiá que las proposicions que portàvem al dintre del Collectiu de las Associacions Occitanistas d'Illa-de-França "s'acordavan, dins l'esperit, amb la linha d'accion del ministèri de la Cultura e de la Comunicacion en matèria de pluralitat lingüistica. Semblan portar de bravas occasions d'escambis per valorizar la totalitat de las lengas de França e de promessas d'innovacions pedagogicas plan realas. Pensam, subretot, a l'intercompreneson entre las lengas romanas, que las cal véser coma un factor d'integracion europenca, respectuos de las diferéncias culturalas, çò qu'es, plan segur, l'axe privilegiat de la nòstra politica lingüistica."
Disiá, atanben, la ministra - e o cal plan notar - que "en ligason amb los servicis de l'Educacion Nacionala, los servicis del ministèri de la cultura e de la communicacion demoravan liures per estudiar las proposicions presentadas e per cercar tota solucion".
Adonc, podèm dire que sèm oficialament dintrats dins aquela dinamica preconizada.
Claudi Assemat - Secretari del CREO de la Talvera