En 2017 la societat Hyperloop Transportation Technologies (HTT) que desvolopa d'iperlops s'installava a Tolosa. En 2019 lo montatge d'una primièra pista d'ensag sul site de Francazal èra acabat. Los dirigents de la societat prevesián de ne construïr una segonda a proximitat. Los accòrds qu'aviá HTT amb la metropòli de Tolosa per la poder bastir son estats resilhats a la fin de 2021.
Lo centre de recèrca e de desvolopament que deviá acculhir un centenat d'ingeniaires es pas encara bastit. Sonque un pichon detzenat de personas trabalhan acctualament sul site de Tolosa per HTT luènh de çò qu'èra anonciat.
La societat californiana demòra pr'aquò activa a Tolosa amb per ambicion de definit un mòde de transpòrt perene basat sus la tecnologia iperlop.
De pel mond, son actius dins lo domèni e en concuréncia amb HyperloopTT las societats : Virgin Hyperloop (Estats Units), Transpod (Canadà, Euròpa), Hardt (Euròpa), Nevomo (Euròpa).
Al dela de las capsulas, o pòds, d'autras societats coma Zeleros en Espanha trabalhan sus las infrastructuras qu'aquel nòu tipe de traspòrt demandarà.
