Lo 30 de mai de 2023 la nòva societat, Automotive Cells Company (ACC), coentrepresa recentament creada pels grops Stellantis, TotalEnergies e Mercedes-Benz, inaugurava sa primièra gigafabrica de batariá a Douvrin, prèp de Lens.
La societat ACC es una responsa dels industrials europèus a la nòva organizacion dels transports qu'es a se metre en plaça de pel mond, basada sus de motors a energia electrica. Per aquò son necessàrias de batariás electricas poderosas.
Los europèus son quasi absents d'aquel mercat en plena creisséncia e dependon de China.
Doas autras usinas d'ACC son previstas après aquela de Douvrin : una en Allemagna, a Kaiserslautern, la segonda sul site Stellantis de Termoli, en Itàlia.
L'investiment per la bastisson dels tres sites s'amonta a 7,3 miliards d'èuros. Tre 2030 son 2,5 milions de batariás que seràn produsidas pel grop ACC sul sòl europèu.
La produccion deu debutar a Douvrin a la fin de l'an 2023.
