Dijòus 19 de genièrs de 2017 a 18h : Conferéncia d'Alem Surre-Garcia, Occitània, tèrra d'espiritualitats.
Aquela conferéncia-diaporama vòl far conéisser la riquesa e la complexitat dels flusses religioses e filosofics, ortodòxes o eterodòxes, que traversèron e farguèron las mentalitats del mond d'òc. Son confront, a de còps d'una violéncia extrèma, amb los dogmatismes e los absolutismes del temps, nos permet de melhor agantar las contradiccions de las nòstras societats. Aquò jos l'aflat de Convivéncia.
Dijoùs 26 de genièr de 2017 a 19h, primièr Dijòus-Concert de l'Ostal : Djé en solo & Laurent Cavalié.
A comptar de genièr, Convergéncia Occitana e La Topina vos prepausan cada darrièr dijòus del mès une serada concert. Per entamenar l'annada, una encontra entre Djé (Jérémy Couraut) cantaire e fondator de Djé Balèti e Laurenç Cavalié (Du Bartas) totes dos en version solo. Cadun vos presentara son repertòri, amb l'idèa d'escambiar e de jogar amassa tanben...
