L’Ostal Sirventés de Carcassona aculhirà dimècres 8 de febrièr de 2017 la primièra assemblada dels legeires de Jornalet de l'annada, dins l’encastre de las Febrejadas.
Se tracta d’una reünion dobèrta ont lo capredactor d’aqueste jornal en linha explicarà son trabalh de cada jorn, lo foncionament del mèdia, e escotarà totas las opinions dels legeires que participaràn a l’assemblada.
La tòca es de metre en comun d’idèas e d’avises e de marcar la linha de seguir. Es a 18h30 que Ferriòl Macip farà lo punt suls 5 ans de vida del jornal quotidian e informatic Jornalet qu’anima dempuèi Barcelona.
Es per festejar aquel anniversari que, prevei divèrsas assembladas de legeires a travèrs Occitània per tal de los far se rescontrar, amassar d’idèas, de suggestions, de proposicions. L'objectiu es de melhorar lo jornal.
Assemblada dels legeires de Jornalet lo 8 de febrièr a l'Ostal Sirventés a Carcassona.
